Да се купува мед од познат пчелар или со назнака „органски“, порачуваат пчеларите
Граѓаните треба да купуваат мед од познат пчелар или со знак за квалитет на етикетата, така ќе бидат сигурни дека купуваат квалитетен производ, сметаат пчеларите.
Медот, според Горан Блажески секретар на Пчеларското здружение „Охрид“, можеби е најпосакуваниот органски производ, кој има безброј намени не само во медицината, туку и во другите гранки.
- Обичниот граѓанин треба да купува мед од познат пчелар, така загарантирано ќе е заштитен. Природниот мед кристализира, додека вештачкиот не кристализира, појасни Блажески.
Претседателот на Регионалниот пчеларски сојуз од Битола, пчеларот Менде Трајковски советува ако граѓаните немаат познат пчелар и не можат да знаат дали медот кој го купуваат е органски, да го побараат знакот за квалитет и органски мед.
- Купувачот да го побара знакот за органско производство на етикетата, кој со дозвола на Министерството за земјоделство го користат сертифицираните органски производители. Знакот е гаранција дека производот навистина е органски, посочува Трајковски.
Пчеларите предупредуваат дека за квалитетот на медот посебно треба да внимаваат лицата кои боледуваат од дијабетес затоа што неорганскиот мед поседува големо количество шеќер, кој во органскиот мед го нема.
Ново на Сител
-
20-годишно момче пронајдено починато во својата соба
-
Одлуките на Уставниот суд не се коментираат, ако има одлука ќе ги вратиме 50. милиони евра од солидарен данок, вели Мицкоски
-
СЗО со порака до Трамп: Обезбедуваме клучна заштита за САД од закани
-
Фатен 39-годишен бегалец од затвор
-
Искра Росо од Здружението СОЛЕМ од Скопје меѓу протераните активисти од Белград
-
Мицкоски за случајот „27 април“: Факт е дека ако нема организатори, не може да има терористи
-
Во Велика Британија се повеќе социјално загрозени семејства живеат во пансиони
-
СДСМ: Нема пари за лекови – Владата ќе купува авион