Црнечки активисти го попречувале предизборниот говор на Хилари Клинтон
Црнечки активисти, со извици, свирежи и гласно негодување, предизвикаа инцидент на предизборниот настап на Хилари Клинтон во Атланта, во сојузната американска држава Џорџија.
Клинтон, која учествува во трката за добивање номинација од Демократкста партија на САД за претседателските избори во ноември 2016 година, беше попречена да го продолжи својот предизборен говор, во моментот кога таа зборуваше за потребата од реформирање на американскиот правосуден систем.
На настапот што беше означен како „Афроамериканците за Хилари“ имаше околу две илјади луѓе.
Во својот говор Клинтон се осврна на зачестените пукотници по улиците и за употребата на огненото оружје од полицијата, порачувајќи дека ако биде избрана за претседател на САД, ќе ја продолжи политиката што за овие работи ја води актуелниот претседател Барак Обама.
Нејзиното излагање, во тој момент, беше прекиното од извиците на десетина црнечки активисти кои остро протестираа против бруталноста на полицијата, присутниот расизам и чувањето во полициски притвор.
Активистите остро ги критикуваа Клинтон и нејзниот противник во изборната трка, сенаторот од Вермонт, Берни Сендерс.
Движењето за црнечки права на кое припаѓаат демонстрантите, се афирмира низ САД, по минатогодишното убиствио на младиот црнечки тинејџер Мајкл Браун во Фергусон, во сојузната држава Мисури, од еден полицаец белец, кој подоцна не одговараше за инцидентот.
Хилари Клинтон, во средината на деведестите години на 20 век, лобираше за донесувањето на еден остар кривичен закон, против кој беше поголемиот дел од црнечката заедница на САД, тврдејќи дека тој е насочен против афроамериканците.
Ново на Сител
-
Обид за кражба во простории на Општина Чаир каде се чувал изборен материјал
-
ДИК: Двојните избори утре ќе ги следат 1303 домашни и 860 странски набљудувачи, како и 83 странски новинари
-
Во општина Маврово-Ростуше гласаат 68 болни и изнемоштени лица
-
Малолетник прегазен во Велес, пренесен во скопските Клиники
-
Македонските државјани во Србија гласаат на вториот круг од претседателските избори во Македонската амбасада во Белгрaд
-
Лебот нема да поскапи следните два месеца, компаниите се жалат на проблеми со ликвидноста и со одлив на кадри
-
Поевтинуваат горивата, ова се новите цени
-
Граѓаните утре можат да пријавуваат повреда на избирачкото право на бесплатната телефонска линија 0800 54321