Црна Гора: Рестриктивни мерки за загрозувачите на суверенитетот на Украина
Црногорската Влада донесе предлог одлука за воведување на меѓународните рестриктивни мерки утврдени со одлуки на Советот на ЕУ во однос на дејствија за поткопување или загрозување на територијалниот интегритет, суверенитет и независност на Украина.
- Со одлуката се воведуваат меѓународни рестриктивни мерки во однос на дејствијата кои го поткопуваат или загрозуваат територијалниот интегритет, суверенитет и независност на Украина, кои се утврдени со одлуки на Советот на ЕУ, на кои Црна Гора се придружи согласно надворешнополитичките приоритети на усогласување со ЕУ во областа на заедничката надворешна и безбедносна политика, се наведува во Предлог одлуката на црногорската Влада, пренесува Танјуг.
Со тоа се ограничува влез на територијата на Црна Гора на физички лица кои се одговорни за активно поткопување или спроведување активности или политики кои го поткопуваат или загрозуваат територијалниот интегритет, суверенитет и независност, однонсо стабилност и безбедност на Украина, или кои го попречуваат работењето на меѓународните организации во Украина.
- Влез во Црна Гора се забранува на лица кои активно пружаат материјална или финансиска поддршка на руските носители на одлуки или имаат корист од руските носители на одлуки кои се одговорни за анексија на Крим или дестабилизација на Источна Украина, но и на лица кои раководат со трансакции со сепаратистички групи во Донбас, се наведува во Предлог одлуката на црногорската Влада.
Ново на Сител
-
Во БиХ уапсени три лица кои барале пари за информација за исчезнатото девојче во Србија
-
Продолжуваат предизборните коалицирања
-
Марш на трансродовите лица
-
Во Собранието седница на Комисијата за одбрана и безбедност
-
Најмалку 38 лица загинаа во израелските напади врз сирискиот град Алепо
-
Над 20 луѓе повредени во сообраќајна несреќа во Германија
-
Мериленд доби помош од 60 милиони долари по уривањето на мостот во Балтимор
-
Сончево и топло со мала локална облачност