Црна Гора распиша тендер за изградба на најголемата жичница на светот
Црногорските власти изготвија план за изградба на најголемата жичница на светот, па за таа цел распишан е и меѓународен тендер, јави порталот „Кликс“.
Жичницата ќе се гради на релација Котор-Ловќен-Цетиње, а патувањето би траело 43 минути. Таа треба да биде долга 14,7 километри, со што би претставувала најдолга жичница во светот. Изградбата е планирана да трае 10 до 12 месеци. Рокот за понудите за претквалификации истекува на 5 октомври.
Информацијата е официјално потврдена од градоначалникот на Цетиње, а воедно и национален координатор за Проектот - Александар Богдановиќ, и од претседателката на Тендерската комисија, Далиборка Пејович. Според нив, ова претставува историски чекор за земјата.
Концесијата за проектот за жичницата ќе биде доделена транспарентно, согласно меѓународните принципи за наддавање и во двостепена постапка, согласно црногорскиот Закон за концесии.
Ново на Сител
-
Работниците ширум Европа и Азија бараат поголеми работнички права на првомајските демонстрации
-
Почнува уписот на првачиња за учебната 2024/2025 година
-
Максим дебитираше во ВАКО-ПРО со победа
-
Извонредна организација на АФН-9 ВАКО-ПРО кик бокс настанот во Скопје
-
ДС: Само силен синдикат е гарант за работничките права
-
Притвор од 30 дена за жител на Сопиште, пронајдена дрога во неговиот дом
-
Ковачевски: Нека ни е честит 1 Мај, СДСМ секогаш била на страната на работниците
-
Мицкоски: Работничките права се прекршени, државата не води грижа за тие кои се р`бетот на економијата