Македонија
7. July 2020 - 15:47

ЦЈЗ Куманово - Четири новозаболени од Ковид-19

Центарот за јавно здравје Куманово во последниве 24 часа евидентира четири новозаболени лица од Ковид 19, соопштија денеска надлежните од јавната здравствена установа. Еден пациент починал.

-Заболените се од познати кластери, сите се од општина Куманово, изјави доктор Ариф Љатифи, директор на Центарот за јавно здравје Куманово.

Денеска, извршени се вкупно 44 тестирање од кои 19 по „Мој термин“ и 25 согласно епидемиолошки индикации.

Од почетокот на епидемијата според податоците на Министерството за здравство на територијата на Центарот за јавно здравје Куманово, ковид дијагностицирани се 805 лице од кои во моментов активни се 197 случаи.