Чуркин предлага затворање на сириско-турската граница

Постојаниот претставник на Русија во ОН Виталиј Чуркин предложи затворање на сириско-турската граница, за да се пресече поддршката кон терористите, а во пристаништето Џејхан да се распоредат меѓународни набљудувачи, пренесе Танјуг.

Чуркин, говорејќи на седницата на Советот за безбедност, исто така предложи и да се разгледа можноста за „целосно трговско-економско ембарго“, кон Исламска држава.

- Најголемиот обем на криумчарење нафтени деривати, артефакти и други видови стока од територијата која ја контролира ИД и натаму се реализира преку Турција со нејзина дозвола или неактивност, наведува Чуркин.

- Во врска со тоа сметаме дека е актуелно прашањето за покривање на турско-сириската граница во антитерористички цели, а би требало, исто така да се размисли за воведување целосно трговско-економско ембарго кон ИД, рече Чуркин.