Читателите на „Политико“ ја претпочитаат Кристалина Георгиева за иден генерален секретар на ОН
Читателите на влијателното европско списание „Политико" најмногу би сакале Кристалина Георгиева да биде следниот генерален секретар на ОН, покажа анкетата со која биле опфатени 400 испитаници.
3а Георгиева се изјасниле 54 отсто од анкетираните. На второ место, со 35 отсто од гласовите е португалскиот кандидат Антонио Гутереш, кој засега води при гласањето во Советот за безбедност на ОН. Трет е словачкиот кандидат Мирослав Лајчак, со 11 отсто доверба, се наведува во анкетата.
Гласањето во Советот, што ќе се одржи оваа седмица, ќе биде прво на кое ќе фигурира и името на бугарската претставничка, откако пред неколку дена бугарската Влада официјално ја замени својата досегашна кандидатка Ирина Бокова.
Во написот се наведува и дека во последниве 18 месеци Георгиева водела „кампања во сенка". Пред оваа анкета, Георгиева изјавуваше дека би била полезна во ОН, оти целосно е во тек со светските процеси, и со нивната поврзаност.
„Политико" исто така истакнува дека доколку биде избрана, Георгиева би била првиот генерален секретар на Обединетите Нации, кој говори руски јазик.
Ново на Сител
-
ЦУК: Конститутивна седница на Управувачкиот комитет за координација
-
Кривична пријава за 16-годишник од Крива Паланка, украл автомобил од сограѓанин
-
Тешко повредени мајка и ќерка од Гостивар откако врз нив паднала порта
-
Ужас во Скопје: Го киднапирале и го натерале да се самозапали
-
Оливер Миланов ја презеде функцијата директор на Агенција за храна и ветеринарство
-
Злате Мехмедовиќ ќе биде новиот директор на Клиниката за физикална медицина и рехабилитација
-
Франција распореди 30.000 полицајци поради страв од немири на денот на изборите
-
Кој е Кир Стармер, идниот британски премиер?