Четврти протест на Палестинците во Газа и на Западниот Брег

Стотина Палестинци денеска протестираа на улиците на Газа и на Западен Брег поради одлуката на американскиот претседател Доналд Трамп да го признае Ерусалим за главен град на Израел.

Во Западен Брег некои од демонстрантите палеа гуми и фрлаа камења врз израелските војници, додека на митингот во Газа присуствуваа околу 1.500 луѓе.

Според палестинските медицински извори, израелските војници повредиле најмалку петмина демонстранти, додека портпаролката на израелската армија истакна дека се проверуваат таквите информации.

Тоа е четврти петок по ред како Палестинците одржуваат протести.