Четвртфинале за Јотовски во Скопје

Македонскиот тенисер Томислав Јотовски успеа да се пласира во 1/4 финалето на фјучрсот во Скопје. Тој предмалку по голема борба во меч што траеше безмалку 3 часа го победи шестиот носител Либор Салаба од Чешка со 2-1 во сетови. Првиот сет по 72минути му припадна на Јотовски со 6:3 во гемови, а потоа со истиот резултат возврати чешкиот тенисер. Во решавачкиот сет беше 6:1 за Јотовски. Тој во следното коло ќе игра со Кристијан Месарош од Хрватска, кој денеска со 6:1 и 6:1 беше поуспешен од третиот носител Марокс Каловелонис од Русија.