Четворица повредени во сообраќајката на патот Велес

Четири лица се повредени во сообраќајката меѓу две патнички возила што се случи изутрината на регионалниот пат Велес-Чашка во месноста викана „Долги рид“. Повредените со возила на Итната медицинска помош се пренесени во хирушката амбуланта при Општата болница во Велес.

Портпаролот на Општата болница Велес, Тодор Јаковлевски изјави дека повредените во сообраќајката биле донесени кај нив во алкохолизирана состојба и ќе бидат испратени на домашно лекување.

Верољуб Додевски, портпарол на СВР Велес, истакна дека во сообраќајката е причинета материјална штета на возилата. Посочи дека полицијата врши увид на местото каде се случила сообраќајната несреќа.