Четири семејства од пехчевски Црник останаа без покрив над глава

Откако во петокот околу 19:30 часот беше опожарена куќата на семејството Џитанови во село Црник, без покрив над глава останаа четири семејства, стари луѓе и деца. Според информациите од Ванчо Бучевски вработен во општината, од пожарот бил зафатен целиот горен кат на куќата со изгорена цела покуќнина во него.

-Само брзата интервенција на противпожарните екипи од Делчево и Берово и помошта од жители од село Црник и Пехчево не дозволиле огнот да ја пеплоса целата куќа, информира Бучевски.

Во пожарот како што соопшти Бучевски изгорела целата покуќнина на семејството Џитанови.

Пехчевскиот градоначалник Драган Тренчовски, заедно со директорот на ЈКП ,,Комуналец” и вработените биле меѓу првите кои и пружиле помош на унесреќената фамилија. Тренчовски апелираше граѓаните масовно да се вклучат со било каква помош за Џитанови.

-Општината во рамки на своите можности ќе им помогне на луѓето кои живееја во куќата. Апелирам до сите хумани граѓани и фирми, кој колку може да помогне за возобновување на нивниот дом. истакна Тренчовски.

За помош на семејството Џитанови од село Црник е отворена сметка на име Аида Џитанова со број 300057028657233, Комерцијална банка.