Четири малолетници и четворица возрасни нападнати од агресивно куче во Куманово
Вкупно осум лица од кои четири малолетници биле каснати од куче, соопштија денеска од СВР Куманово, од каде велат дека преземаат мерки за расчистување на случаите. Претходно за МИА, надлежните институции кажаа дека агресивното куче, кое не е евидентираното на заловени и третирани кучиња скитници во Куманово, нападнало ученици и возрасни. Кучето, како што соопштија од ВСЦ „Тодор Велков“, е од расата „aзијат“, тешко 72 килограми.
- Кучето што е заловено, однесено во прифатилиште, проверено од страна на комунален и на инспектор од Агенција за храна и ветеринарство, е утврдено дека не е чипирано, а е чувано од сопственик, бидејќи му се исечени ушите и опашката. Кучето во моментов е во нашето прифатилиште. Жалиме што сè уште вакви неодговорни сопственици на кучиња и покрај заложбите на општината и на нашиот центар да го решиме проблемот со бездомни кучиња, изјави Зоран Пешевски, директор на ВСЦ „Тодор Велков“.
Директорот на училиштето „Крсте Мисирков“, Филип Колевски, претходно кажа дека учениците биле нападнати на одмор на триесетина метри од училиштето. Децата, како што рече Колевски, се исплашени и се упатени за примање вакцина. Според него, реагирала и дежурната полиција која била во близина на школото и вработени од „Чистота и зеленило“ кои работеле на улицата.
И од секторот за инспекциски надзор велат дека веднаш интервенирале по дојава на граѓани.
- Веднаш интервениравме, податоците се доставени до „Тодор Велков“. Тоа куче е заловено. Инспектор за храна и ветерина направи записник, констатирано е дека кучето е агресивно, изјави раководителот на секторот, Бобан Бојковски.
Кучето напаѓало и кучиња скитници.
Од кумановскиот сектор за инспекциски надзор најавија поинтензивни контроли во близина на училиштата и градинките.
Популарно од Македонија
Ново на Сител
-
Успешно заокружен првиот циклус од Лидерската академија на Flex Group: Стратешка инвестиција во развој на менаџерскиот кадар
-
Савески: Одлуката за жалба за „Талир 2“ ќе биде донесена по анализа на пресудата, а Ленче Ристоска ќе постапуваше доколку не поднесеше оставка
-
Зголемен бројот на ученици и студенти сместени во домови и интернати
-
Жителка на неготинско Долни Дисан измамена за 49.087 денари
-
Мицкоски: Ги исполнуваме обврските од европската агенда, реформите продолжуваат и покрај блокадите на Изборниот законик
-
Кај кавадарчанец пронајдени и одземени 262 куршуми, 51 ловни патрони
-
За шест месеци на ГП „Блато“ кај Дебар минале над 778 илјади патници, што е историски рекордна фреквенција
-
Водата во Гостивар забранета за пиење
