Чествување на Свети Димитриј во Крива Паланка

Голем број верници од Кривопаланечко присуствуваа на чествувањето на празникот Свети великомаченик Димитриј, патрон-светецот на соборниот храм „Свети Димитриј“ во центарот на Крива Паланка.

Празнувањето отпочна синоќа, со вечерната богослужба со која чиноначалствуваше митрополитот Кумановско-Осоговски г.Јосиф во сослужение со свештениците од кривопаланечкото архиерејско намесништво.

Утринските празнувања продолжија денеска, на денот кога се празнува споменот на Светиот великомаченик Димитриј со утрената богослужба, продолжија со архиерејската литургија и Света божествена лиутургија со која чиноначалствуваше владиката Јосиф.

Чествувањето продолжи со кревање кумски колач од страна на голем број верници во дворот на црквата, славски колач од сите верници кои имаат домашна слава посветена на Свети Димитриј, по што беше осветена вода.

Чествувањето на споменот на Св. великомаченик Димитриј меѓу народот е познат како Митровден, а именден денес празнуваат Димитрија, Митре, Димо, Димко, Димана, Димка, Мите, Димитрина, Митра.