Честитка од Вељаноски по повод Курбан Бајрам
Претседателот на Собранието на Република Македонија Трајко Вељаноски упати честитка по повод големиот муслимански празник Курбан Бајрам, до поглаварот на Исламската верска заедница (ИВЗ) реис ул улема Хаџи Сулејман Ефенди Реџепи и до верниците од исламска вероисповед.
- Со особено задоволство, од свое лично име и од името на пратениците во Собранието на Република Македонија, Вам, на членовите на Ријасетот и на сите верници од исламска вероисповед во Република Македонија, Ви упатувам искрени честитки по повод исламскиот празник Курбан Бајрам, се вели во честитката од Вељаноски.
Денешниот празник Курбан Бајрам, се додава, ја симболизира хуманоста и солидарноста и потсетува дека љубовта и помагањето треба да се споделуваат, а разликите треба да не спојуваат.
- Нашите вековни традиции придонеле да си помагаме едни на други, без разлика на вера, националност или друга определба. Празникот Курбан Бајрам и оваа година нека биде мотив за меѓусебно почитување, соживот и за градење на заедничка иднина. Во ова пригода сакам да истакнам дека Република Македонија високо ги вреднува мултиетничките и мултирелигиските вредности и традиции, кои создаваат вистински темели на кои се гради преспективата на сите нејзини граѓани. Ви посакувам радост и бериќет во кругот на Вашите семејства и пријатели, се нагласува во честитката од Вељаноски до поглаварот на ИВЗ и до верниците од исламска вероисповед по повод Курбан Бајрам.
Ново на Сител
-
Амбасадорите подготвени да соработуваат со Мицкоски за судските реформи
-
Советот на обвинители не сака распуштање, Мицкоски вели срамно е да се има доверба од 2%
-
268 матуранти паднаа на државната матура
-
Кој ќе одговара за скапо платените и некористени акцеларатори за малигно болни кои ќе завршат во отпад?
-
ЕпсоТех инвестира 20 милиони евра - Ќе бидат вработени 110 луѓе
-
„Да ги пуштиме нозете колку ни е долга чергата“ рече Мицкоски за барањето 450 евра минималец
-
Кога пензионираните пилоти за ер тракторите ќе се вратат на работа?
-
Традицијата продолжува - Златните денови Кратово 2024