Честитка од Пендаровски за Курбан бајрам: Да работиме на разбирање и меѓусебно почитување
Македонскиот претседател Стево Пендаровски упати честитка до граѓаните со исламска вероисповед во Република Северна Македонија по повод големиот муслимански празник Курбан бајрам, нагласувајќи дека во пресрет на празникот кој го потенцира дарувањето и солидарноста и посакува да го минат во здравје, благосостојба и хармонија, помагајќи им на сите на кои им е потребна помош, поткрепа и безусловна љубов.
– Дозволете да ја искористам оваа можност да Ве повикам и понатаму посветено да работиме на разбирањето и меѓусебното почитување без разлика на верска, етничка или која било друга припадност. Верувам дека со заеднички усилби конечно ќе изградиме едно општество во кое секој ќе се чувствува рамноправен и слободен, се наведува во честитката на Пендаровски.
Како што соопшти Кабинетот на шефот на државата, Пендаровски, по повод Курбан бајрам, упатил честитка и до поглаварот на Исламската верска заедница, реис–ул–улема Хаџи Сулејман ефенди Реџепи.
– Дозволете ми, Вам лично, на членовите на Ријасетот, муфтиите, имамите и на сите граѓани од исламска вероисповед во Република Северна Македонија, да Ви упатам најсрдечни честитки по повод големиот празник Курбан бајрам. Посакувам Исламската верска заедница и понатаму посветено да ја извршува својата мисија грижејќи се подеднакво за сите свои верници и да придонесува за развиена, просперитетна и демократска Република Северна Македонија, се додава во честитката на Пендаровски до реисот Реџепи.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација