Честитка од Димитриев по повод Меѓународниот ден на Бошњаците
Претседателот на Владата на Република Македонија за спроведување на изборите, Емил Димитриев, упати честитка до припадниците на бошњачката заедница во РМ по повод 28 Септември - Меѓународниот ден на Бошњаците.
- Со прославувањето на 28 Септември Република Македонија веќе десетта година по ред оддава почит кон бошњачката заедница во земјата, но и општо кон бошњачката заедница на Балканот. Одбележувањето на овој празник воедно претставува и симбол на нашата традиција и изградбата на нашето општество преку соживот, разбирање, толеранција и почитување на различностите. Таквиот пристап на почитување на различните културни, верски и идентитетски карактеристики претставуваат богатство на секое современо општество кое е насочено кон развој и унапредување на мултикултуризмот и интеграција на сите етнички заедници во општествените процеси, се наведува во честитката од Димитриев.
Посочува дека Република Македонија во изминатите години во повеќе наврати и преку голем број чекори, мерки и проекти јасно го демонстрираше таквиот пристап и посветеност.
- Силно сум уверен дека со активен придонес од претставниците на бошњачката заедница во нашата држава и во иднина ќе продолжиме заеднички да придонесуваме, како за негување на нашето мултиетничко општество, така и за нови проекти и нови дела кои се во интерес за сите граѓани на нашата држава. Честитајќи Ви го празникот, Ви упатувам изрази на високо почитување и Ви посакувам денешниот ден да го поминете во добро празнично расположение исполнето со многу здравје, радост, среќа и бериќет. стои во честитката од претседателот на Владата на Република Македонија за спроведување на изборите, Емил Димитриев.
Ново на Сител
-
14-годишник ненадејно починал во битолско, му се слошило додека бил на роденден
-
Галант го информира Блинкен за операцијата во Рафа
-
УКИМ повторно рангиран на 1.990 место од 2.000 најдобри универзитети во светот
-
Претседателката ќе се придржува до официјалната примена на уставното име, во јавни настапи има лично право на самоопределување, велат од кабинетот на Силјановска Давкова
-
Стано: ЕУ очекува новите власти на Северна Македонија да продолжат со успешниот пристапен пат
-
Еруптираше вулканот Ибу во Индонезија
-
Тројца уапсени во Велика Британија поради соработка со разузнавачката служба на Хонг Конг
-
Во Косово досега попишани над 1,42 милиони лица, дел од Србите „се двоумат“