Чешка испрати помош за Литванија поради се зголемениот прилив на мигранти од Белорусија
Чешка испрати помош во опрема и снабдување за Литванија поради зголемениот прилив на мигранти што ја загрозува границите на оваа балтичка земја со Белорусија, соопшти денеска Министерството за внатрешни работи во Прага.
Конвој со 20 шатори, 100 камперски кревети и 500 вреќи за спиење денеска треба да пристигнат во Литванија, соопшти министерството. Вредноста на хуманитарната пратка е 3,2 милиони чешки круни (околу 124.000 евра). Залихите ќе ги пренесе чешката противпожарна служба.
Белорускиот претседател Александар Лукашенко уште еднаш и се закани на Европската унија дека е подготвен да им дозволи на мигрантите, кои бегаат од воените зони, слободно да минуваат низ Белорусија, како одмазда за санкциите на ЕУ против оваа изолирана источноевропска нација.
Литванија, која има речиси 680 километри долга граница со Белорусија, е сериозно погодена од големиот број мигранти, кои во последните неколку недели ги минуваат нејзините граници.
Чешкиот министер за внатрешни работи, Јан Хамачек, истакна дека е неприфатливо миграцискиот проблем да се искористува како средство за притисок врз ЕУ и нејзините земји-членки.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари