Чегране: Маж со автомобил оштетил инвентар од ресторан, се вратил со друг автомобил и се обидел да прегази маж

Министерството за внатрешни работи информираше дека вчера во 00:30 часот во село Чегране од полициски службеници од Полициска станица Чегране е лишен од слобода Б.Б.(39) од село Форино постапувајќи по претходна пријава на 27.08.2021 околу 23:30 часот од Ш.Ш.(45) од село Чегране дека додека бил во угостителски објект во негова сопственост во село Чегране пријавениот во два наврати управувајќи две патнички моторни возила „џип тојота“ и „опел астра“, најпрвин оштетил инвентар од угостителскиот објект, а потоа околу 23.45 часот се обидел да го прегази пријавителот.

По документирање на случајот против пријавениот ќе биде поднесен соодветен поднесок.