Чедомир Јовановиќ: Ако Србија не го реши проблемот со Косово, ќе го решат други

Србија во 2018 година мора да излезе со решение за проблемите кои постојат на Косово, а доколку тоа не го стори, ќе го направат други, но без неа, оцени лидерот на српската опозициска Либерална демократска партија (ЛДП), Чедомир Јовановиќ 

- Затоа логичен избор е во тој процес да бидеме фактор, наместо набљудувач, изјави Јовановиќ во интервјуто за новосадски „Дневник“.

Според него, Србија мораме да ги редефинира и односите со Москва, на која таа и е последно прибежиште на Балканот по неколкуте последоватални порази со кое се намали нејзиното влијание, пред се во Македонија и во Црна Гора.

- Србија остана платформа преку која Русија ја води својата борба со Западот. Изборите во Бих се исто така можност да покажеме степен на одговорност кој се очекува од нас и мораме да ги прекинеме тие специјални врски со (претседателот на Република Српска) Милорад Додик поради зачувување на БиХ како функционална држава, нагласува Јовановиќ.

Тој оценува дека на српската држава и е потребен „нов Устав на модерна Србија“, бидејќи постоечкиот со преамбулата за Косово, преставува „лутање и дезорентираност на оние што го донесоа и на идејата за Србија како за пуст остров излорин од остатокот на светот“.

На костатацијата дека дел од српските опозициски партии повеќе ја критикуваат ЛДП, отколку власта и дека тој станал „несакана опозиција на опозицијата“, Јовановиќ вели дека не мисли така и дека не би ги поставил така работите.