Чавушоглу: Критиките на мерките против пучистите се како поддршка на обидот за преврат

Критиките од страна на некои земји на мерките што ги презема Турција против осомничените пучисти, претставуваат еден вид поддршка на неуспешниот обид за соборување на Владата, изјави шефот на турската дипломатија Мевљут Чавушоглу.

- Иако најголемиот број сојузници на Турција ја поддржаа нејзината демократски избрана Влада, сега сме сведоци на неприфатлива критика кон законските мерки преземени против заговорниците, додаде Чавишоглу. 

Тој нагласи дека Турција решително ги отфрла ваквите критики, неприфаќајќи ги оценките дека во земјата би можело да биде прекршен принципот на владеењето на правото.