Централна Америка: Дваесетмина загинати во налет на тропската бура „Нејт“
Во налетот на тропската бура „Нејт“ на Централна Америка, загинаа најмалку 20 лица, меѓу кои 11 во Никарагва, шестмина во Костарика и три лица во Хондурас.
Костарика прогласи вонредна состојба, а училиштата и градинките се затворени. Во соседна Никарагва забележани се одрони на земјиштето, поплави и прекин на снабдувањето со електрична енергија.
Се очекува дека смртниот биланс ќе се зголеми, со оглед на тоа дека во Никарагва седум лица се сметаат за исчезнати, а во Костарика 15. Повеќе од 5.000 лица во Костарика беа принудени да ги напуштат своите домови, поради заканата од лизгање на земјиштето и можноста да бидат поплавени со кал.
Американскиот центар за урагани прогнозира дека бурата ќе биде со јачина близу онаа на ураганите во моментот кога ќе стаса на полуостровот Јуката, на југот на Мексико. Потоа ќе зајакне и за време на викендов бурата ќе прерасне во ураган во периодот кога ќе го погоди Мексиканскиот Залив, а потоа ќе се упати кон јужниот дел на САД, во сојузните држави Луизијана и Флорида.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација