Центарот за дизајн и иновации „Јавна соба“ ќе го прослави вториот роденден
Центарот за иновации и дизајн „Јавна соба“ со дводневна културна програма денеска и утре ќе одбележи две години постоење.
Вечер во 20 часот ќе биде отворена изложбата „Тито во Африка – слики на солидарноста” која доаѓа од Музејот на Југославија во Белград, а утревечер од 22 часот „Јавна соба“ за својот втор роденден ќе организира забава со настап на Грамофонџије од Белград, Кирил Кузманов џез-ансамбл и диџеите Алек Солтиров и Давор Палиќ.
- Овој викенд сите генерации, помлади и постари, ќе можат да се присетат како некогаш се живееше во земја со дигнитет, љубов, рамноправност, слога и солидарност, како е да бидеш дел од една високореспектирана заедница во меѓународни рамки, како беше да бидеш Југословен. Фотографиите побудуваат емоции, нѐ враќаат во едно убаво време и поттикнуваат и денес да се бориме за едно такво убаво и стабилно општество. Скопје како град на солидарноста, целосно заслужува да биде прв домаќин на патувањето на оваа голема изложба во бившојугословенските градови, соопшти „Јавна соба“.
Изложбата „Тито во Африка – слики на солидарноста” ќе може да се посети до 20 ноември. Влезот за настаните е слободен двата дена.
Ново на Сител
-
Чибишев и поднел пријава на Бесија Иљази зошто незаконски им исплатила 650.000 денари на договорците
-
Судскиот совет има напредок, но и уште многу работа - Реакции на меѓународната заедница
-
Радев: Мицкоски нема познавање од меѓународно и уставно право
-
Приватните превозници нема да возат, бараат исплата на долг од над 2 милиони евра
-
Ни волшебно стапче нема да помогне за учениците во седмо одделение да имаат нови учебници
-
Преглед на вестите од светот
-
Јаневска: Можно е враќање на старата концепција за основно образование
-
Приватните превозници ќе ги паркираат автобусите