Цената на златото достигнува историски максимум
Цената на златото скокна за 10,94% оваа година, поттикната од геополитичката нестабилност, вклучувајќи ја војната во Украина и зголемената инфлација.
Цената на златото ја поддржаа и светските централни банки на земји како Индија, Турција, Кина и Русија, кои купија рекордни количини злато.
Kалифорниската Silicon Valley Bank и Signature Bank во Њујорк банкротираа во март. Потоа на ред дојде европската банка Credit Suisse, која беше блиску до колапс, но беше спасена од банката UBS. По тие настани во март, загриженоста за продолжување на кризата беше намалена.
Сепак, стравувањата од натамошна банкарска криза повторно се разгореа минатата недела по веста дека банката First Republic поднесе барање за стечај и дека треба да биде преземена од JP Morgan, како и дека неколку други банки се изложени на ризик од банкрот. Регионалната банка PacWest Bancorp изгуби 70% од својата вредност во последните 5 работни дена.
Пазарите беа потресени од загриженоста за оваа „повторна разбудена“ финансиска криза во банкарскиот сектор и како резултат на префрлањето на средствата на инвеститорите во злато.
Повеќето трговци се согласуваат дека банкарската криза е фактор што ги турка цените на златото кон рекордно високо ниво, а кризата се чини дека е далеку од завршена во овој момент. Ситигруп очекува цената на златото да достигне 2.300 долари во наредните месеци.
Ново на Сител
-
Ватикан: Исходот од преговорите во Истанбул е трагичен
-
Почина Камерунецот Кунде
-
ФФМ го поништи натпреварот Кожув – Башкими, дисциплинска постапка против двата клубови
-
Москва „генерално задоволна“ од преговорите во Истанбул, договорена размена на илјада воени затвореници
-
Вучиќ: Во Тирана разговарано за инфраструктурните проекти, изградбата на гасовод меѓу Србија и Северна Македонија
-
Крадел на градилиште и откако чуварот го затекнал, го претепал и се заканил дека ќе го убие
-
Мицкоски: Историски ден за Македонија
-
21-годишник од Скопје поседувал средства за фалсификување и неовластено влегувал во компјутерски системи | ФОТО