Цемент и крема за обувки во фалсификувани лекови на српскиот пазар

Лекови за циркулација и проблеми со срцето, вијагра и цитостатици што содржат цемент, но и крема за обувки – ова се наоѓа меѓу запленетите 100.000 фалсификати кои претставуваат голема опасност ако стигнат до пациентите.

Тоа се дел од податоци од Царинската управа на Република Србија за 2017 година, а само во првите шест месеци од тековната година се запленети скоро 200.000 единици на разни лекови и суплементи, објави “Блиц”.

Радмила Јовановиќ, од Секторот за контрола на спроведување на Царинската управа на Царинската управа, изјави за белградскиот весник дека пазарот за фалсификувани лекови е една од најбрзо растечките криминални активности и дека прашањето за шверцот на таквите лекови е огромна тема во целиот свет, вклучително и во Србија.

Според царинските службеници, фалсификуваните лекови во Србија најчесто доаѓаат од територијата на Косово и од Македонија. Средствата за потенција доаѓаат главно од Кина и Индија.