Целосно изгоре киоск во Битола

Во пожар, од засега непознати причини, ноќеска целосно изгоре колонијалната продавница (киоск) „ДООЕЛ-2“ на улицата „Младински бригади“ во Битола. 

Како што информира денеска МВР, изутринава околу 4.30 часот телефонски во СВР-Битола било пријавено дека настанал пожар во продавницата,  сопственост на М.Г. (36).

Околу 5 часот, пожарот бил локализиран од екипа на Територијалната противпожарна единица-Битола. Во пожарот нема повредени лица.

Увид ќе се врши во текот на денешниот ден.