Цело село завиено во црно: Случајно го уби другарот, па се самоуби

На селските гробишта во Плажани кај Деспотовац вчера се погребани другарите Јасмин Јовановиќ (28) и Драган Милутиновиќ (46). Голема тага за селото, кое за нив има само пофални зборови.

Ракувајќи со ловечки карабин, Јасмин случајно испукал куршум кој бил смртоносен за неговиот добар пријател Драган, а кога видел што направил, ја зел пушката, отишол во шума и тука извршил самоубиство.

Во куќата на покојниот Драган Милутиновиќ (46) неговиот татко Милан (71) скршен од болка, прима сочуство, од големиот број мештани на Плажани. Драган го паметат како скромен и секогаш подготвен да им помогне на сите мештани од Плажани. Рударите од рудникот „Водно“ кој е во состав на рудникот „Ресавица“ му оддадоа последна очест на својот колега Јасмин. На погребот присуствуваше и неговиот брат Миљан Јовановиќ (34) кој беше во придружба на полицајци и затворски стражари зошто издржува долгогодишна казна затвор.

-Знам каде морам да го возам сега својот син, несакам  никој да ми пречи. Изгубив син. Знам каде ќе го ставам својот син и тоа е крај. Жалосно за мене, не знам за другите. Сама останав дома и незнам што ќе правам. Имам и друг син и знам што преживувам. Многу ми е тешко. Сама ги исчував Миљан и Јасмин, вели нивната мајка Јованка.