Бугарското Собрание изгласа: Кирилицата е бугарска азбука – Бугарија ги описмени сите Словени
Бугарското Собрание вчера го усвои предлогот на партијата на Каракачанов за преименување на празникот 24 мај во Ден на бугарската литература образование и култура. Според предлагачот на законот, ова е прв чекор кон признавање на кирилицата од страна на ЕУ како бугарска азбука.
Бугарската писменост е идентична со кирилицата, создадена и раширена меѓу другите словенски народи токму од Бугарија. Основата на државноста на бугарскиот дух е токму бугарското писмо. Кирилицата, која е создадена во Бугарија и ја замени глаголицата, создадена од Константин-Кирил филозоф и Методиј, е дел од основното движење за реформи спроведено од Борис, Симеон Велики и цар Петар, образложи пред бугарските пратеници историчарот Милен Михов од партијата ВМРО-БНД.
Тие додаваат дека кирилицата како чисто бугарска творба ја создал Климент Охридски во бугарска држава. Предлогот во Собранието во прво читање доби поддршка и од партијата на премиерот Бојко Борисов. Неговата министерка за надворешни работи, Екатерина Захариева вчера во интервју за локален медиум повтори дека Македонија мора да се откаже од македонското малцинство во Бугарија и да ги признае како што таа рече историските факти доколку сака да се придвижи во интегративниот процес. Иако директно не се закани со блокада на преговоарачкиот процес Захариева испрати јасна порака дека Бугарија нема намера да попушти од своите позиции за кои смета дека се историска вистина.
Александар Спасовски
Ново на Сител
-
Мицкоски: Стана пракса амбасадорите да се мешаат во внатрешните работи на државата
-
Мицкоски: Ќе бара ли Софија Бугари и во албанскиот Устав
-
Маричиќ, Шаќири и Бајрами ќе добијат апанажа
-
Поранешно „Македонија пат“ во катастрофална состојба: Изгорело возило вредно 200.000 евра
-
Скапите акцелератори набавени пред една деценија се уште не се во функција на пациентите
-
Барањето за 450 евра минималец на првата седница на економско-социјалниот совет
-
Приватните превозници ќе возат до 11 часот, додека ЈСП им префрли пари за гориво
-
Преглед на вестите од светот