Брнабиќ ја прими втората доза од Фајзеровата вакцина, отворен кол центар за вакцинација
Премиерката на Србија, Ана Брнабиќ, денеска ја прими втората доза на вакцината Фајзер во Институтот Торлак и по тој повод ги повика сите граѓани да се пријават за вакцинација, јави допсиникот на МИА од Белград.
-Верувам во вакцината и во нашите институции. Ги повикувам граѓаните да го сторат истото, бидејќи заедно можеме да победиме, порача премиерката на својот Инстаграм профил.
Вакцината се дава во две дози, така што Брнабиќ го заврши процесот на имунизација.
Првата доза ја доби на 24 декември 2020 година, со што стана првиот европски премиер кој се вакцинира.
Утрово, во осум часот, во Србија започна да работи и кол центарот, каде што граѓаните можат да аплицираат за вакцинација против коронавирусот.
Од понеделник во тек е процесот на пријавување на граѓаните кои сакаат да се вакцинираат преку порталот е-управа, а 175 000 лица се регистрирале електронски до 8 часот утрово, изјавија од Канцеларијата за ИТ и е-управа.
Ново на Сител
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп
-
Штипскиот Економски факултет го одбележа денот на македонскиот денар
-
Националното биро за осигурување: Цената на авто осигурувањето е непроменета од 2008 година, реално е покачувањето
-
Се одржа Меѓународниот натпревар за сирени во Шангај | ВИДЕО
-
ВИ: „Мона Лиза“ рапува
-
УКИМ донесе Одлука за основање Фондација „Горан Стефановски“
-
Кари ја освои наградата „Џери Вест“