Брнабиќ даде отчет за работата на српската Влада во првите 100 дена
Српската премиерка Ана Брнабиќ денеска ги претстави резултатите од работата на Владата во првите 100 денови и вети дека од 1 јануари 2018 година платите ќе се зголемат за 10 проценти, а пензиите за пет отсто
- На вработените во образованието, здравството, судството и обвинителството, војската, полицијата и безбедносните служби платите ќе им бидат зголемени за 10 отсто, додека државната администрација ќе има покачување од само пет проценти. Пензионерите покрај петте отсто зголемување, наредниот месец ќе добијат и еднократна помош од 5.000 динари (45 евра), изјави Брнабиќ.
Таа нагласи дека не предвидува реконструкција на Владата и оти во изминатиот период сите работеле како екипа, изразувајќи задоволство од работата на сите министерства.
Брнабиќ истакна дека заедничките дипломатски активности на владата и на претседателот на Србија, Александар Вучиќ го спречија членството на Косово во Интерпол и УНЕСКО. Таа уште еднаш потсети дека членството на Србија во ЕУ останува стратешка определба на земјата и очекува до крајот на годинава да бидат отворени три поглавја во преговорите со Унијата.
Освен тоа, српската премиерка додаде дека успешно е продолжена фискалната консолидација, јавниот долг е намален на 65,4 отсто од БДП, а суфицитот на крајот од минатиот месец изнесувал 66,5 милијарди динари.
Брнабиќ, исто така, објасни дека во првите осум месеци од оваа година Србија остварила раст на надворешно-трговската размена од над 13 отсто, извозот се зголемил за истиот процент, а истовремено бројот на нови вработувања е за 5,5 отсто поголем во однос на претходната година.
- Како премиер на Србија, но и министрите од мојот тим, се сретнавме со сите најважни лидери на Европа и светот, рече премиерката и нагласи дека тоа говори за угледот што го ужива нејзината држава.
Претставувајќи ги успесите на Владата во првите 100 денови, Брнабиќ потенцира и дека по 30 години биле набавени шест авиони МИГ 29 од Руската Федерација, со цел модернизирање на српската армија.
Ново на Сител
-
ЦУК: Забрана за движење кај стрелиштето „Леково“, пожари во Кавадарци и Велес
-
Путин во посета на Кина на 16 и 17 мај
-
Синдикатот на просветни работници во Србија в четврток ја прекинува работата во сите училиштата поради загрозена безбедност
-
Герапетритис: Бараме усогласување со Договорот од Преспа, не е прашање на самоопределување, туку почитување на договореното
-
Неексплодирана рачна бомба пронајдена на улица во Демир Капија
-
Четиринаесет жртви во бомбардирањето на станбена зграда во близина на бегалскиот камп Нусејрат
-
Казнет и протеран од Косово брачен пар од Русија кој беше уапсен поради нелегален влез од Србија
-
Курти со опозицискиот лидер Красниќи разговарал за одржување предвремени избори во Косово