Британски министер: Го почитуваме законот, но веруваме во договор за брегзит

Британската влада ќе го почитува законот и ќе има „претпазлив оптимизам“ дека ќе постигне договор за брегзит со Европската унија до 31 октомври, изјави денеска министерот за меѓународен развој, Алок Шарма.

– Апсолутно ќе го почитуваме законот. Работиме неверојатно напорно за да постигнеме договор, но ќе ја напуштиме ЕУ на 31 октомври, изјави Шарма за Би-Би-Си.

Премиерот Борис Џонсон вети дека Велика Британија ќе ја напушти ЕУ на 31 октомври со или без договор, но Парламентот го донесе законот со кој се обврзува да побара продолжување на рокот ако не се постигне договор до 19 октомври.