Британија издаде повеќе од 100 предупредувања поради поплавите
Велика Британија денеска издаде повеќе од 100 предупредувања за поплави, а на жителите во делови на северна Англија им беше советувано да се евакуираат од своите домови поради загриженост дека нивните животи се загрозени откако за помалку од 24 часа заврна дожд колку за еден месец.
Десетици луѓе беа заглавени во трговски центар во градот Шефилд во текот на ноќта, а околу 100 лица беа спасени од страна на пожарникари во гумени чамци од друг трговски центар во близина.
Иако повеќето од поголемите поплави ја зафатија централна и северна Англија, имаше повеќе од 100 други предупредувања низ целата земја каде Агенцијата за животна средина предупреди дека поплавите исто така се можни.
Поројните дождови го нарушија и железничкиот сообрќај во местата околу Шефилд и другите погодени подрачја, додека многу патишта се затворени.
„Страшно е да се гледаат ужасни поплави во цела северна Англија“, напиша на Твитер премиерот Борис Џонсон и притоа се заблагодари на службите и волонтерите кои помагаат на загрозените подрачја.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка