Британија, Франција и САД побараа вонредна седница на СБ на ОН поради сириската криза
Велика Британија, Франција и САД побараа вонредна средба на Советот за безбедност на ОН, посветена на ситуацијата во сирискиот град Алепо.
Заседанието ќе биде отворено и ќе се одржи во 11 часот по локално време.
Интензивните бомбардирања на делови од Алепо, кои се под контрола на бунтовниците, продолжуваат веќе петти ден по ред. Сириската војска и бунтовниците војуваат за контрола над ридови, кои се наоѓаат во близина на Алепо. Прва значајна победа на сириската армија беше преземањето на палестинскиот бегалски камп Хандарат, на неколку километри од Алепо. Само неколку часа подоцна бунтовниците возвратија на нападот.
- Борбите се жестоки, бидејќи тоа е борба за преживување, изјави висок претставник на бунтовниците.
САД, Британија, Германија, Италија, Франција и ЕУ ја повикуваат Русија да преземе „вонредни мерки“ за обновување на примирјето во Сирија, се наведува во заедничкото соопштение по средбата на министрите за надворешни работи на петте земји и високата претставничка на ЕУ за надворешна политика и безбедност, Федерика Могерини.
Дипломатите побараа подобар пристап до хуманитарна помош и продолжување на дипломатските напори за постигнување примирје, но предупредија дека нивното трпение кон Москва „не е бесконечно“.
Ново на Сител
-
СПМ: Не сме изненадени од изјавите на одредени домашни лица и нивното упорно користење на „северна“
-
Тешка сообраќајка на патот Кичево-Охрид, повредени три лица
-
Пронајдена неиспукана артилериска граната покрај железничката пруга во атар на село Виничани
-
Герасимовски: Пријавувајте проблеми со јавна чистота, досега пријавени 159 проблеми
-
Викендов променливо и нестабилно време, со локален пороен дожд и појава на невреме
-
Претрес во Битола, пронајдена дрога
-
ЕУ го повика Израел „веднаш“ да ја прекине воената операција Рафа
-
Два пожара на отворено регистрирани изминатото деноноќие