-->
-->
Брисел: Унгарија е првата земја во ЕУ каде повеќе од 50 отсто од населението е вакцинирано против Ковид-19
-->
Унгарија стана првата земја во Европската унија каде повеќе од половина од населението постаро од 18 години (50,5 отсто) прими барем една доза од вакцината против коронавирус, покажуваат денеска објавените податоци на официјалната веб-страница на Европскиот центар за превенција и контрола на болести (ЕЦДЦ)
Вкупно 25,8 отсто од возрасната унгарска популација ги прими обете дози на една од вакцините регистрирани во земјата. Малта е на второ место според стапките на вакцинација (47,1 отсто, односно 25 проценти двете дози). Во првите три земји на ЕУ според бројот на возрасни со најмалку една доза е вклучена Финска (38,4 отсто). Меѓу оние кои најмногу доцнат се Бугарија (10,7 проценти од граѓаните со една доза, 3,8 отсто со две) и Летонија (13,9 отсто и 2,5 проценти).
Меѓу европските земји кои не се членки на ЕУ, Исланд покажа висок резултат – 39 отсто од населението прими барем една доза од вакцината.
Според објавените податоци, прва доза на вакцината досега ја примиле 30,4 отсто од населението на ЕУ и земјите што не се членки на ЕУ, како што се Норвешка, Исланд и Лихтенштајн. Вкупно 154,1 милиони лица се вакцинирани против Ковид-19 во ЕУ.
Во јануари, Унгарија ја регистрираше руската вакцина „Спутник В“ и со тоа стана првата земја во ЕУ што ја одобри нејзината употреба на своја територија. Словачка стана втора во март годинава.
-->
-->
-->
Ново на Сител
-
Груби ги демантираше наводите за неговата поврзаност со палењето на македонско знаме, побара јавно извинување
-
Највисока снежна покривка од 68 см во Маврови Анови, најмногу дожд во Крушево
-
Русија со дронови ги нападна Киев и Херсон
-
Вучиќ: Имаме информации кој го извршил нападот, ова е вистинска хибридна војна против Србија
-
Протест во Нови Сад по еден месец од трагедијата на железничката станица
-
Една нерегистрирана училишна кујна, оштетени работните површини во четири училишни кујни
-
Девојки од Бразил се проституирале во Џевахир за 150 до 800 евра
-
Триесетина села во Пелагонија без струја