Брисел: Сега е Лондон на потег околу Брегзит
Претставник на Европската комисија изјави дека Брисел е подготен да ги обнови преговори со Лондон за британското напуштање на Европската унија, но дека на потег сега е Велика Британија.
Изјавата доаѓа откако вчерашните разговори меѓу британската премиерка Тереза Меј и претседателот на Европската комисија Жан-Клод Јункер завршија со неуспех, што ги зголеми стравувањата дека е можно Велика Британија да ја напушти ЕУ без договор за уредување на нивните натамошни односи.
- Немам што да кажам за Брегзит. Шоуто сега е во Лондон, изјави портпаролот на Европската комисија, Маргаритис Схинас на денешната прес конференција во Брисел.
Ова беше трета средба меѓу Меј и Јункер во рамките на преговорите за Брегзит.
Велик Британија бара од ЕУ следната недела да влезе во нова фаза од преговорите, но европските претставници велат дека досега не е постигнат доволен напредок.
Главно прашање што се отвори меѓу двете страни е статусот на границата меѓу Република Ирска и британската покраина Северна Ирска.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка