Брачна двојка првпат прогласена за светци

Католичката црква денеска првпат во современата историја прогласи една брачна двојка за светци, а церемонијата е одржана паралелно со Синодот посветен за семејни прашања. 

Папата Франциско ги канонизарал Луј Мартин и Мари Азели Герин, кои се избрани за да ја истакнат клучната улога која родителите ја имаат во физичкото и духовното одгледување на своите деца.

Брачната двојка имале девет деца, од кои само пет девојчиња преживеале.

Сите пет станале калуѓерки, вклучувајќи ја и најмладата Тереза, која починала во 1897 година на 24-годишна возраст и станала позната како света Тереза од Лизија.