-->
-->
Божиќно НБА уживање Кливленд – Голден Стејт
-->
Божиќната празнична атмосфера во САД традиционално е збогатена со квалитетна понуда на натпревари во најдобрата светска кошаркарска лига НБА.
Вечерашната понуда ја сочинуваат три натпревари.
Програмата ќе ја отворат Њујорк и Бостон со натпреварот од 18 часот, по македонско време, за веднаш потоа да следува големото дерби меѓу Кливленд и Голден Стејт, што практично е репризата на минатогодишното финале.
Ова ќе биде и прв овосезонски дуел на екипите кои минатата сезона одиграа максимални седум натпревари во борбата за шампионскиот трофеј, по која на крајот се радуваа кошаркарите на Кливленд.
Дуелот на Леброн Џејмс, Кајри Ирвинг и Кевин Лав наспроти Стивен Кари, Кевин Дурант и Клеј Томсон, гарантира вистинско уживање и атрактивни потези, па дури и за најпребирливите вљубеници во кошаркарската игра.
Актуелниот шампион Кливленд ќе се обиде да ја продолжи перфектната традиција на успешни настапи пред својата публика кога се во прашање натпреварите на Божик. Имено, Кливленд досега има одиграно пет натпревари на свој терен и сите ги има решено во своја корист.
Од другата страна, составот на Голден Стејт со скор од 27 победи и само четири порази е најдобрата екипа во досегашниот тек од шампионатот. „Воините“ се надеваат дека да ја продолжат серијата од седум победи во низа или 11 на последните 12 одиграни натпревари.
Каков ќе биде исходот од дуелот на најголемите фаворити за шампионскиот трофеј и годинава, останува да се види по одигрувањето на мечот кој ќе започне во терминот од 20:30 часот, по македонско време.
Во последниот натпревар од божиќната програма (23 часот) Сан Антонио ќе го пречека тимот на Чикаго.
-->
-->
-->
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп