Божикен концерт со далматински песни во Битола
Хрватскиот културен центар и Македонско-хрватското друштво „Марко Марулиќ“, во соработка со Центарот на култура, во Битола го одржаа традиционалниот Божикен и новогодишен концерт.
Оваа година беше промовирана далматинската песна за што во Битола поканети беа и учествуваа женска клапа „Тамарин“ од Враниц, кај Солин и машкиот вокален состав „Делмати“, исто така од Солин, истакна Бранко Маретиќ, претседател на МХД „Марко Марулиќ“-Битола.
-Културата е поле на кое луѓето најлесно се зближуваат, а притоа ја запознаваат традицијата и културата на двете држави, посочи тој.
Основната карактеристика на далматинската клапа е тоа што е произлезена од народот, претежно тоа се песни кои ја опеваат љубовта кон татковината, рече Росита Мартиќ, раководител на женската клапа „Тамарин“.
-Дојдовме во Битола со богат репертоар, испеавме и серенади. Последниве три години оваа клапа често е наградувана, а на интернационалниот фестивал во Тоскана освоивме Гран при, потоа прва награда од стручно жири во Братислава, а во Хрватска на фестивалот на женски клапи освоивме прво место. Посебно е чувството кога настапуваме во странство и кога луѓето се воодушевени од клапската песна, посебно музичките професионалци, истакна Мартиќ.
Покрај бројната публика, гости на Божикниот концерт беа и митрополитот г. Петар, градоначалникот на Ресен Живко Гошаревски, претставници на хрватска амбасада во Скопје, членови на хрватската полиција кои се во рамките на европската гранична полиција и други.
Ново на Сител
-
Вучиќ: Тајван е Кина и точка
-
Одбележување на годишнината од масовното убиство во Мало Орашје и Дубона
-
Во Пустец откриена спомен-биста на Гоце Делчев
-
Во црквата „Св. Спас“ одбележани 121 година од смртта на Гоце Делчев
-
Тешка сообраќајка во Прилеп: Се судриле камион и мопед, возачот на камионот избегал
-
Нова авиолинија Скопје-Рига-Скопје
-
Кривична пријава против две лица, расчистени 4 кривични дела, одреден притвор
-
За изборите на 8 мај акредитирани 1078 домашни и 770 странски набљудувачи