Борел: Орбан оди во Тбилиси, но тој не ја претставува ЕУ
Унгарскиот премиер Виктор Орбан се очекува денеска да пристигне во дводневна официјална посета на Грузија, но тој „не ја претставува Европската унија“, нагласи Жозеп Борел, цитиран од француските меидуми.
Орбан „денеска оди во Грузија (. . . ) без сомнение да ја покаже својата поддршка за грузиската Влада“, рече Борел во интервју за шпанското јавно радио.
„Што и да каже Орбан за време на неговата посета, тој не ја претставува Европската унија“, додаде шефот на европската дипломатија.
Унгарскиот националистички премиер е единствениот лидер на земја-членка на ЕУ кој останува близок со Москва.
Тој е еден од ретките кој реагираше на изборниот резултат во оваа кавкаска земја, честитајќи и на партијата „Грузиски сон“ за „убедливата победа“.
Проевропската грузиска опозиција денеска повикува на демонстрации за да ги осуди објавените резултати од парламентарните избори, кои според неа биле „украдени“ од владејачката партија.
Претседателката Саломе Зурабишвили дури изјави дека станува збор за „специјална руска операција“, забележуваат француските медиуми.
„Вршителот на должноста претседател на (Европската) унија нема надлежности во областа на надворешната политика“, нагласи Борел, изразувајќи ја зголемената недоверба на Брисел кон шефот на унгарската Влада, која претседава со ЕУ во овој шестмесечен ротациски мандат.
Ново на Сител
-
Претрес во Тетово, одземени марихуана и дробилки со остатоци од марихуана
-
Атлетико Мадрид нов лидер во Шпанија
-
Прва АТП титула за Чехот Махач
-
Без струја утре делови од Кисела Вода и Чучер Сандево, без вода дел од улица „Јани Лукровски“
-
Возел со 1,35 промили алкохол во него и удрил во пешак
-
Макрон ги повика Трамп и Зеленски да покажат взаемно почитување
-
Прочка - празник за проштавање и очистување од гревовите
-
Велика Британија ќе и даде на Украина 2,26 милијарди фунти за зајакнување на одбраната