Борби меѓу ирачките сили и ИД за последниот граничен премин кон Сирија

Ирачката армија денеска почна офанзива против борците на џихадистичката група Исламска држава (ИД) во градовите Рава и Ал Каим во западниот дел на Ирак, во близина на границата со Сирија.

На армиските сили им помогаат шиитски паравоени групи поддржани од Иран, како и од американските и другите меѓународни коалициски партнери.

Ал Каим е последниот премин на границата меѓу Ирак и Сирија, кој се уште е во рацете на ИД.

Ирачката армија ги координира своите активности со Вооружените сили на Сирија, кои настапува против ИД од другата страна на границата и се насочени кон градот Деир ез Зор на реката Еуфрат.

Армиите на двете држави и курдските паравојски успеаја да фи потиснат борците на ИД од сите поголеми градови, како што се Мосул и Алепо.

Борби се водат и на тромеѓето меѓу Ирак, Сирија и Турција, каде е стратегиски важниот граничен премин Фиш Кабур.