Богоев: Среќен распуст, е-наставата ја одбележа учебната година
Градоначалникот на Карпош Стефан Богоев преку видео порака им го честита крајот на учебната година на ученици, наставници и родители. Тој им се заблагодари на сите за вложениот труд и напор, за реализација на воспитно – образовниот процес по електронски пат во речиси цело второ полугодие, поради Ковид – 19. Богоев истакна дека иако денеска изостана другарувањето по училишните холови и дворови, 10 – ти јуни за секое дете е еден од најсреќните денови во годината.
-Сакам да ви честитам на фактот што сте генерација која за прв пат реализираше настава по електронски пат. Речиси цело второ полугодие, учевте преку дигитални платформи и покажавте дека младите, и во време на здравствена криза, се носители на промените. Ученици и наставници, вие поставивте нов стандард во македонското образование. Ви благодарам за вложениот труд и напор, а на полуматурантите им посакувам успешен упис во средно училиште, рече Богоев.
Општина Карпош информира дека во следните денови ќе додели и награда за првенците на генерација од сите основни училишта.
Во текот на распустот, оваа единица на локалната самоуправа ќе спроведе и повеќе инфраструктурни активноси во училиштата, со цел да ги подобри условите за учење и престој.
Учебната 2019/2020 година завршува во вонредни услови. Учениците од десетте општински основни училишта, речиси цело второ полугодие спроведуваа настава по електронски пат, како резултат на прекинот на воспитно – образовниот процес поради Ковид – 19.
Ново на Сител
-
Мицкоски: Очекувам ДУИ да оди во опозиција, немаме ни елементарна доверба за соработка со нив
-
Ново бебе алпака во скопската Зоолошка градина
-
Вучиќ: Една третина од новата српска влада ќе биде составена од нови луѓе
-
Осигурителните компании не ја почитуваат препораката на Финансии, полисите и денеска по повисоки цени
-
Следува период на променливо време со повремени локални врнежи од дожд
-
РКЕ: Само 2,75 отсто од струјата е од увоз, на праг сме до енергетски независна држава
-
Мајката на починатата студентка од Кавадарци во Штип лани измасакрирала и запалила човек
-
Судир на два автомобили и камион со приколка на автопатот „Пријателство“, тешко повредено едно лице