„Блиска средба“ на руски и американски воен авион над Црно Море
Руски авион Су-27 вчера пресретна извидувачки авион на американската морнарица „Локид“ ЕП-3Е во меѓународниот воздушен простор над Црно Море, соопшти денеска руското Министерство за одбрана.
Во соопштението се наведува дека воздушната контрола вчера забележала неидентификувана воздушна закана во близина на неутралните води на Црно Море, која се приближува до воздушниот простор на Руска Федерација.
Авионот ловец Су-27 полета од најблискиот аеродром и се доближи до метата која ја идентификуваше како извидувачки авион ЕП-3Е Арес на американската морнарица, се посочува во соопштението од руското Министерство за одбрана.
Американската морнарица пресретнувањето на авионот го оцени како „небезбедно и непрофесионално“.
Си-Ен-Ен повикувајќи се на неименувани извори објави дека средбата помеѓу двата авиона траела околу 25 минути, а рускиот авион прелетал пред американското летало поради што американскиот екипаж почувствувал турбуленции за време на летот.
– Су-27 и вторпат прелета пред авионот на американската морнарица и предизвика вибрации на американскиот авион, наведе Си-Ен-Ен.
Експертите за сега не успеаја да проценат колку се доближил рускиот авион ниту дали бил вооружен.
Ново на Сител
-
Тројца приведени за убиството на матичниот доктор кај поликлиниката Железара – мотивот се уште непознат
-
Трет ден потрага по Данка, родителите повторно во станица
-
Предизборно финале – партиите ги финализираат листите
-
Стариот парламент ќе инаугурира нов шеф на државата - конститутивна седница за новите пратеници на 28 мај
-
ОЛАФ бара од Македонија да врати 2,2 милиони евра - злоупотребени пари од Еразмус плус
-
ССМ најавува серија протести, работниците излегуваат на улица
-
Штипските пензионери повторно на протест
-
Глобалниот минимален данок од 15% - закана за 50-тина компании кои работат во зоните кај нас