Битолскиот музеј ќе добие нов изложбен и галериски простор
Националната установа Завод и Музеј-Битола годинава ќе реализира 57 проекти – составен дел на националната програма на Министерството за култура за кои се издвоени 66 милиони денари.
На денешната прес-конференција во Битола, директорот на таа национална установа, Зоран Алтипармаковски изјави дека еден од најзначајните проекти кој е прифатен од Министерството за култура, а ќе се реализира оваа година, е реконструкцијата на административната зграда на Музејот.
-Станува збор за проект со кој е предвидена конзервација и реставрација на фасадата, ентериерно уредување, средување музејските депоа, зголемување на музејската поставка од 570 на 1.200 квадратни метри, а во поткровјето ќе биде оформен галериски простор кој ќе се простира на површина од 2.000 квадратни метри, нагласи Алтипармаковски.
НУ Завод и Музеј-Битола во минатата година го посетиле 42.563 туристи, од нив 75 oтсто од странство, главно од Турција и Израел беше посочено на денешната прес конференција во овој град.
Ново на Сител
-
Во БиХ уапсени три лица кои барале пари за информација за исчезнатото девојче во Србија
-
Продолжуваат предизборните коалицирања
-
Марш на трансродовите лица
-
Во Собранието седница на Комисијата за одбрана и безбедност
-
Најмалку 38 лица загинаа во израелските напади врз сирискиот град Алепо
-
Над 20 луѓе повредени во сообраќајна несреќа во Германија
-
Мериленд доби помош од 60 милиони долари по уривањето на мостот во Балтимор
-
Сончево и топло со мала локална облачност