Бит-пазар привремено се сели
Советот на општина Чаир на денешната седница го усвои нацртот на Деталниот урбанистички план за Градски Четврт ЦС 02 Блок 4 за целосна реконструкција и надградба на Бит- пазар.
Наскоро ќе следат јавна анкета и презентација на која сите заинтересирани физички и правни лица ќе можат да достават свои предлози и забелешки. Подоцна нив ќе ги разгледува Стручната комисија и ќе бидат земени предвид во следните фази за развој на овој проект.
- Со новиот нацрт-план, откако ќе ги помине сите процедури, ќе се зголеми бројот на тезгите. Ќе се направи нов проект кој ќе обезбеди доволен број паркинг места со што новиот пазар ќе добие нов модерен изглед. Идејата е во новиот проект да се вклучат сите тезги кои сега се надвор од пазарот со што ќе се отвори патот кон театарот и улицата „192“. Ќе се растовари и тротоарот до трговскиот центар Мавровка. Така ќе се отвори и просторот кон Старата скопска чаршија, истакна Изет Меџити, градоначалник на Чаир.
Откако ќе завршат јавната расправа и презентација, Стручната комисија ќе достави заклучок, ќе почне постапката на предлог на Деталниот урбанистички план, кој ќе треба да добие позитивно мислење од сите инволвирани јавни и приватни институции. Потоа ќе се поднесе постапка за согласност од страна на Министерството за транспорт и врски и Советот на општината Чаир ќе донесе одлука за усвојување на Деталниот урбанистички план за Бит-пазар.
Според плановите, изградбата треба да трае една година. За да не се наруши работењето на Бит-пазар планирано е градежните зафати да се одвиваат етапно.
Ново на Сител
-

Приведени девет возачи, петмина управувале возило без положен возачки испит
-

Безживотно тело на 38-годишен маж со прострелна рана пронајдено кај Смилковци
-

Мицкоски: Даваме сè од себе да реализираме проект повеќе и да создадеме подобри услови за живот на граѓаните
-

Франција стравува од ескалација на протестите, 70.000 полицајци и жандарми распоредени на улиците
-

54-годишник од Куманово истурил две шишиња бензин во семејниот дом и се заканувал дека ќе ги запали ќерката и внуката
-

Медведев против Зверев во полуфиналето на завршниот АТП турнир
-

Кривична за две лица осомничени за кражба – Полицијата пронашла украден мебел, радијатори и бела техника
-

МВР: Приведени две лица во Струга, едниот управувал возило со претходно изречена забрана, додека кај сопатникот пронајдена е дрога
