Билиќ и Јурчевиќ казнети со по 8.000 фунти

 Хрватскиот тренерски тандем на клупата на Вест Хем, Славен Билиќ и Никола Јурчевиќ без жалба ја прифати казната која им ја изрече Фудбалската асоцијација на Англија (ФА). 

 

Менаџерот на Билиќ, избегна потешка казна за неговото недолично однесувањето на натпреварот меѓу Вест Хем и Вест Бромвич Албион, откако домаќинот во последен момент успеа да го израмни резултатот на 2:2, а разлутениот Билиќ го фрли телевизискиот микрофон, незадоволен од одлуката на судијата Мајкл Оливер за продолжување на средбата. Јурчевиќ пак уште во 19.минута, беше испратен на трибините откако го напушти техничкиот простор и му приговараше на судијата Оливер. 

 

Бидејќи двајцата Хрвати ја признаа вината, ФА реши наместо со вообичаената суспензија од еден меч, да ги казни парично со по 8.000 фунти, одлука која Билиќ и Јурчевиќ ја прифатија без приговор. 

 

Тоа значи дека двајцата ќе може да седат на клупата на Вест Хем на следниот меч кој популарните „чекани“ ќе го играат на гостински терен против Ватфорд.