Без вода утре делови од Сарај и Карпош

Од 8:00 часот утре ќе почне чистење и хлорирање на десната комора од резервоарот Љубин. Поради тоа можен е мал прекин во водоснабдувањето, соопшти ЈП „Водовод и канализација“ -  Скопје.

Прекинот, како што е најавено, ќе биде до завршување на работните активности.

Поради промена на два затворача од ф-150 милиметри на крстосницата меѓу булеварите „Партизански одреди“ и „8 Септември“, утре од 8:30 часот без вода ќе останат корисниците лоцирани на потегот од булевар „8 Септември“ до улицата „Никола Тесла“ во Општина Карпош.