Без вода утре дел од Гевгелија

ЕВН - Гевгелија информира дека утре од 9 до 11 часот ќе биде прекината испораката на електрична енергија од трафостаницата Водовод - Чаири поради што вода за пиење ќе немаат бензинските пумпи „Шимов“ и „Лукоил“, конзервната фабрика „Пајдаков“, стоматолошкиот центар „Вудент“, казината „Сенатор“, „Принцес“ и „Фламинго“, граничниот премин Богородица, како и населените места Богородица, Стојаково и Селемлија кои се снабдуваат од регионалниот водовод.

Прекинот е поради потребата од замена на опремата за мерење потрошена електрична енергија.