Без струја утре делови од Аеродром, Центар и Карпош

Заради технички зафати во дистрибутивната електро мрежа утре без електрична енергија ќе останат дел од корисниците од општините Аеродром, Центар и Карпош, информираат од РЦУК – Скопје по добиената информација од ЕВН Македонија АД.

Во периодот од 08:30 до 11:00 часот, прекин во снабдувањето со електрична енергија ќе имаат корисниците од улица „Тодор Чангов“ – помалите подулици, како и корисниците лоцирани во делот од главната улица кон населба Лисиче во Општина Аеродром.

Во периодот од 09:00 до 12:00 часот, без електрична енергија ќе останат дел од корисниците од улиците „Дебарца“ и „Антоние Грубишиќ“ во Општина Центар.

Во период од 10:00 до 14:00 часот, без струја ќе останат корисниците од ул. „Демир Трајко“ од бр.2 до бр.12. во Општина Карпош.