Беровчани со аплауз и музика ги испратија словенечките пожарникари - тие им возвратија со звучна сигнализација

Вчера жителите на Берово излегоа на улиците на својот град и со аплауз и музика им изразазија благодарност на своите херои – пожарникарите од Словенија, кои несебично помогнаа да се совлада огнената стихија која беснееше во Малешевијата.

Претходно од Општина Берово соопштија дека доброволното пожарникарско друштво „Толмин” од Словенија, кое со своите пожарникари доброволци помогна да се изгаснат шумски пожари во овој регион, им ја подари личната пожарникарска опрема на своите колеги од Територијалната противпожарна бригада на Берово.