Берни Сандерс ја запре претседателската кампања на неопределно, му вградија два стента

Потенцијалниот претседателски кандидат на демократите на изборите во САД Берни Сандерс ги откажа, поради проблеми со срцето, за неопределено време, соопшти неговиот изборен штаб.

Сандерс (78), најстариот учесник во трката за кандидат на Демократската партија на изборите во ноември 2020 година, е сместен во болница во Лас Вегас откако во текот на предизборниот собир почувстувал болка во градите и побарал медицинска помош.

Долгогодишниот сенатор од Вермонт имал блокада на артерија и успешно му се вградени два стента, а сега „разговара и добро е расположен“.

Сопругата на Сандерс, Џејн О'Меара изјави дека нејзиниот сопруг „се чувствува навистина добро“.

Сандерс понекогаш на собирите на шега зборува за своите години, посебно во разговорот со младите. Неговата здравствена состојба сигурно ќе ја обнови дебатата за тоа дали партијата треба да ја поддржи новата генерација политички лидери.