Берлин против надворешната политика на Доналд Трамп
Министерот за надворешни работи на Германија Франк Валтер Штајнмаер денеска ја критикуваше најавата на претендентот за кандидат на Републиканците на изборите за претседател во САД Доналд Трамп во врска со можниот правец на идната надворешната политика.
Вчера во говор за време на кампањата Трамп најави дека доколку тој стане претседател земјата ќе се води од принципот „Прво Америка“ односно дека ако стане претседател ќе ги остави Европа и Азија сами да се борат за себе ако тие не ги поддржуваат одбранбените мерки на САД.
- Се надевам дека на изборната кампања во САД не и недостасува перцепција на реалноста. Архитектурата на светската безбедност е променета и веќе не е поставена само на два столба. Таа не може да се спроведува унилатерално, изјави денеска Штајнмаер во Берлин коментирајќи го принципот „Прво Америка“ на Трамп.
Според Трамп, меѓународните конфликти можат да бидат решени ако големите сили како САД, Русија и другите ги здружат силите заедно.
- Ниту еден американски претседател не може ја запре промената на архитектурата на светската безбедност поради што „Прво Америка“ не е одговор на проблемите“, смета шефот на германската дипломатија.
Според Штајнмаер, говорот на Трамп е контрадикторен затоа што од една страна тој повикува на „Прво Америка“ а од друга страна бара САД да се повлече од решавање на светските проблеми, две работи што не одат заедно.
Републиканскиот кандидат Трамп кој што има германско потекло во неколку наврати директно ги коментираше политичките настани во Германија во текот на кампањата. Пред некоку дена тој во телевизиско шоу изјави дека „Германија никогаш нема да биде иста“, поради политиката на отворени врати за милиони бегалци кои што според него ја дестабилизирале земјата.
Ново на Сител
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување
-
Во рамки на акцијата „Темпули“ полицијата во Тирана уапси 20 лица и заплени кокаин, хероин и канабис
-
Приведени 14 државјани на Србија кои измамиле германски државјани за милион евра
-
Зголемен бројот на работници во индустријата
-
78-годишен тетовчанец тешко повреден во сообраќајка